"Rydw i wrth fy modd â’r heddwch mae’n ei roi i mi pan fydda i’n mynd am dro, i wylio’r tymhorau’n newid, y pleser o weld adar a bywyd gwyllt arall. Gwirioni wrth weld dyfrgi, eryr y môr a gwalch y pysgod a’r llawenydd ar wynebau fy mhlant wrth iddynt hwythau eu gweld hefyd."

“Rydw i wrth fy modd â’r rhyddid y mae natur yn ei roi pan allwch chi stopio ar unrhyw adeg a gwylio bywyd yn ei holl ogoniant, o’r mwsogl a’r trychfilyn lleiaf yn treulio’u diwrnod i sŵn dail y coed, sŵn dŵr yn rhedeg, neu adar yn canu; mae’n baradwys ac yn berffeithrwydd. Byddai colli’r fath symlrwydd yn ergyd i’r enaid ac yn fy ngadael i’n llawer tlotach.”

“Hyd yn oed yn y ddinas, mae’r llwynogod trefol, adar yr ardd, crehyrod glannau camlesi a pharciau gwyrdd yn fodd o dorri ar y tir caled yr ydym yn cerdded arno. Maent i gyd yn creu llawenydd."

“Hyd yn oed yn y ddinas, mae’r llwynogod trefol, adar yr ardd, crehyrod glannau camlesi a pharciau gwyrdd yn fodd o dorri ar y tir caled yr ydym yn cerdded arno. Maent i gyd yn creu llawenydd."

“Pobl ddim yn manteisio ar natur am elw. Rydyn ni’n byw ochr yn ochr â natur, nid yn ceisio ei dominyddu – fel gwneud yn siŵr nad yw ein ffyrdd yn atal anifeiliaid rhag croesi, neu nad yw ein diwydiant yn llygru eu cynefinoedd.”

"Byddai llawer iawn mwy o fannau gwyrdd. Byddai cydbwysedd bywyd pobl yn wahanol. Byddem yn gwerthfawrogi ac yn blaenoriaethu byd natur. Byddai cyflymder bywyd yn arafach ac yn fwy cysylltiedig – gyda phobl yn cael mwy o amser ar gyfer eu teulu a’u ffrindiau a’u cymuned leol."

"Mwy o ymgysylltu â’r gymuned wrth greu atebion a gweithredu."

“Pryd bynnag y bydd penderfyniadau’n cael eu gwneud, ystyrir natur fel llais yn yr ystafell – Sut y gall hyn effeithio’n gadarnhaol ar fyd natur? Sut y gall defnyddio natur fod o fudd i’r penderfyniad hwn? Mae bwrlwm natur bron yn fyddarol o’i gymharu â’r distawrwydd sydd weithiau’n digwydd ar hyn o bryd.”